Mujhe Kya Bechega Rupaiya
Television Show: Satyamev Jayate
Singer: Sona Mohapatra
Composer: Ram Sampath
Lyricist: Swanand Kirkire
Babul pyare sajan sakha re
Suno meri maiyya
Bojh nahi main kisi ke sar ka
Naa majdhar mein naiyya
Patwar banoongi, leharon se ladungi
Arey mujhe kya bechega rupaiya
Ho arey mujhe kya bechega rupaiya
Kal baba ki ungli thaame chali thi
Kal baba ki lathi bhi bann jaaungi
Amma tere gharonde ki chidiya hoon main
Dana lekar hi ghar wapas aaungi
Jiski fitrat mein hairat samaayi nahi
Jisko daulat se jyada main bhaayi nahi
Aise saajan ki mujhko zaroorat nahi
Naa kehne ka sunlo muhurat yahi
Akeli chalungi, Kismat se milungi
Arey mujhe kya bechega rupaiya
Ho arey mujhe kya bechega rupaiya
Ho ho ho..
Dil se dil ke taar toh jude nahi
Do rasmon pe daulat ye kaahe bahe
Hum toh pyaar ki khwahish mein rishte bune
Do rishton mein lalach hum kaahe sahe
Kya shaadi ke aage zindagi hi nahi
Jo shaadi hisaabo ki keval hai
Aise saajan ki mujhko zaroorat nahi
Naa kehne ka sunlo muhurat yahi
Subahon si khilungi, Ratiya si bharungi
Arey mujhe kya bechega rupaiya
Ho arey mujhe kya bechega rupaiya
Ho ho ho...
No comments:
Post a Comment