Yeh garib ka chula hai...

Siyasat-e-sehansha yeh garib ka chula hai isse kahan GDP samaj aati hai

Kahan yeh Rajkoshiye Ghata samaj pata hai

Vikas Dar se bhi iska koi sarokar nahi

Yeh garib ka chula hai...

Isse to bas badti hui mehangai nazar aati

Handi mein pani ke beech pakti hui chawal ki kankari nazar aati hai

Bhookhe sote hue bacche, majboor maa-baap ki bheeghi aankhein nazar aati hai.

Yeh garib ka chula hai...

Express Way bhi kahan isko dikhata hai

Mall se bhi kahan iska koi rishta hai

Free mobile ki dhun bhi kahan sukhi lakdi ka kaam kar payegi

Bharat Bandh ki goonj se kahan yeh jalta hai

Yeh garib ka chula hai...

Mahine mein 15 din yeh jal nahi pata hai

Mann mein kitne vyanjano ko pakane ki abhilasha lekar roz marr yeh jata hai

Ab iska shinghar, pooja pehle jaisi hoti nahi

Ab maa isko mitti se leep kar sukhoti nahi

Yeh garib ka chula hai isse GDP samaj aati nahi...

- Romil Lucknawi

Suna hai log jannat tak jaate hai...

Janab, Hum patrkaar hai, sach likhate hai, sach batate hai

Humko mat seekhana aanaj ka mool, hum Khalsa hai langar khilate hai.

Yeh Sone, Chandi ka shauq tum ameeron ka hoga

Hum aaj bhi apne bacchon ko pholoon ke gehne pehnate hai.

Tum chahe kitni bhi koshish karlo mujhe haasil karne ki

Mohtarma, hum Sher, sirf Sherni ke peeche jate hai.

Aur

Aye mere dost, NAAZ abhi mat chhodana saath

Suna hai log jannat tak jaate hai.

- Romil

A Special Day !!!

A SPECIAL DAY !!!

3rd August

A SPECIAL DAY !!!

A SPECIAL DAY !!!

In saalon mein na jaane
Kitne rang dekh liye
Har rangeen lifafe mein chupe berang khat dekh liye...

Mile khuda to puchu yeh baat
Har chehare pe kyon itne rang lapate diye...

Itna masoom chehara aur yeh aafatein
Bookh, garibi, zalalat, khuda tune usmein kitne fann samet diye...

Badi mehnat aur imandari se banai thi us bhudhiya ne jhopadiyan
Kabhi hawaan
Kabhi baarish
Kabhi insaano ne
Na jaane kitni baar uske sapne samet diye...

#Romil

Mujhe shayari pasand hai...

Mujhe shayari pasand hai

Dilchasp baatein karne wali nahi

Mujhe mehfilien pasand hai 

Sharab khane nahi

Waqt ki kadar karna pasand hai

Time table banna nahi

Mujhe raat bhar chand se baat karna pasand hai

Subah suraj ke saath aankhein milana nahi

Mujhe chote-chote sapne dekhana pasand hai

Bade khawab sajana nahi

Mujhe pyar mein zameen par sona pasand hai

Daulat ke bistar par aaram farmana nahi

Mujhe swabhimaan se jeena pasand hai

Haat fehlakar, sar jhukakar zindagi jeena nahi.

- Romil

Usse rishta todane mein bahut dair kar di

Usse rishta todane mein bahut dair kar di

Zindagi samajhane mein bahut dair kar di

Badalate mausamon ki sair mein khoya raha

Ghar pahuchane mein bahut dair kar di

Bhes badal kar karti rahi tez hawan kohram

Sawan ke mausam ko samajhane mein bahut dair kar di

Har taraf jismo ki khushboo aati rahi

Rooh ko mehsus karne mein bahut dair kar di

Kaanpate pedon ke phool mere pairon mein pade rahe

Maala bunne mein bahut dair kar di

Maut se pehle marne se bachane mein

Uski haqiqat sunne mein bahut dair kar di

Raat ke parde mein chup kar rulane wale

Tune baat karne mein bahut dair kar di 

Siskiyaan leti havaayen keh rahi hai

Tune khushiyon ki fiza laane mein bahut dair kar di

- Romil

Khataon se bhi sabak sheekh liya karo

Khataon se bhi sabak seekh liya karo
Tum khushboon se bhi asar seekh liya karo
Log to yunh hi apne hone ka ehsaas dete hai
Tum Paraye hokar apne hone ka hunar seekh liya karo
***


Khuda ke dar par gidgidaun itna bhi main kamjoor nahi
Majboor hoon par main kisi ke samne haath fehlau itna bhi kamjoor nahi
Aur mere chehare se tum mere dil mein chupe dard ko pehchan nahi sakte
Main har kisi ke samne ro jaun itna bhi kamjoor nahi...


- Romil

Khuda se ek baat puchunga main marne se pehle

Khuda se ek baat puchunga main marne se pehle

Meri Maa ko kyon bula liya tune mujhse pehle

Mujhe khakh mein milane se pehle kya tune ek baar socha

Ek baar mujhse guftagu to karta apne faisale se pehle

Bijli gira kar tu salamati ka ashirwad deta hai

Aasman nahi phat gaya hoga teri karni se pehle

Kaash main bhi sazaa dene ka haqdaar hota

Suli pe chhada deta main mujrim ko gunah se pehle

- Romil

Pankhudiyon ki tarah todh ke chala gaya

Pankhudiyon ki tarah todh ke chala gaya

Beech raste mein chhod ke chala gaya

Mujhe pasand tha uski qaid mein rehna

Woh khawabon se rishta jodh ke chala gaya.

Aur

Ruksati-e-maa ko chee mahine ho gaye

Waqt guzarta hai, guzarta ja raha hai

Koi rokta bhi nahi aakar waqt ko

Yeh kaisa dariya hai jo behta hai, behta ja raha hai.

- Romil

Ab usko khat likhane ka kya faida

Ab usko khat likhane ka kya faida

Chalo ek kora kaagaz hi bhej diya jaye

Jispe umar-e-guzaar di maine woh rasta mujhe pehchanta bhi nahi

Chalo ab aise raste ko bhoola diya jaye

Zara si dhoop hui aur mujhse mooh fer liya meri parchai ne

Chalo aisi parchai se daman chhuda liya jaye

Aur

Woh Maa ki goad, woh ghar kahan milega Romil

Chalo in aankhon se neendon ko udha diya jaye.

- Romil

Bas yahi jee mein khayal aata hai

Bas yahi jee mein khayal aata hai
Tumhe khush kaise karu sawal aata hai


Gulab doon tujhe ya
Teri chaukhat pe sir jhukau
Kis ada pe tu fida ho jaye yeh samajh nahi aata hai


Mujhse bewafai or fir seena jori
Teri quvvat ke tilisim pe fakr aata hai


Aur


Maa na hoke bhi pass hai mere
Khuda teri rehmat par naaz aata hai.


- Romil

Mohabbat ke bazaar mein nilaam hokar

Mohabbat ke bazaar mein nilaam hokar

Woh zyada khoobsurat ho gaya hai badnaam hokar 

Fir us nihaayat bewafa se umeed-e-waafa kar rahe ho 

Badi himmat dikha rahe ho nakaam hokar 

Uske gamo ko uski surat se badhkar kehne wale

Yeh kya ho gaya hai tumhe aashiq hokar 

Dhoop jaate hi tu bhi chala jayega 

Kuch haasil nahi hoga uska saaya hokar 

aur 

Maa ne chule pe chadha di hogi Kheer 

Mujhe ghar aata dekhkar. 

#Romil Arora

Haq wafa ka hum apna mangane lage

Haq wafa ka hum apna mangane lage

Woh keemat hamari lagane lage

Sun kar intezaar-e-safar kab khatam hoga

Woh baatein badi banane lage

Khol de na hum mehfil mein kahi raaz-e- mohabbat

Woh nazare humse churane lage

Puch baithe jo hum unse mohabbat-e-anjaam

Woh nadani pe hamari muskurane lage

aur

maa ki rukshati-e-waqt yaad aate hi

aankhon se aansoo barasne lage

hoonton pe dard ke phool khilne lage

dil par gum ke badal girne lage

- romil

bahu ke aa jaane par bhi beta uski qaid mein rehta hai

bahu ke aa jaane par bhi beta uski qaid mein rehta hai

yeh dekh kar maa ka qad fakr se uccha rehta hai.

woh hi insaan jannat-e-jahan dhoondha lega

jiski jaibon mein hussain ka pata rehta hai.

jaldi hi uske gunahon ka ghada bhar jayega

aaj kal woh bade-ucche siyasi logon ki mehfil mein jo rehta hai

aur

ab maa ke baad koi yeh puchane wala nahi raha

tu raat bhar jagata kyon rehta hai.

- romil

uski akal par yeh kaisa taala pada hai

uski akal par yeh kaisa taala pada hai

deewana apni zidd pe adaa pada hai

aankhon mein bhari padi hai uske mohabbat

woh kehti hai woh wahshayat se bhara pada hai

tum kehte ho barson beet gaye use dekhe hue

nawab saheb, ab bhi google plus par uska photo pada hai

aur

maa, main apne karmo par sharminda bada hoon

tera gunehgar tere charano pe pada hai.

- romil

mujhe chhodane ka bahana chahta tha

mujhe chhodane ka bahana chahta tha

woh shaks khuda ke faisale ko azmana chahta tha

aaj mujhse door hokar woh ro raha hai

jo kabhi mere saath muskurana chahta tha

soch raha hai kis rishte se mujhe bulaye woh 

zabba khamosh hai mujhe wapas bulana chahta tha

aur

bahut suukh chuke hai mere hoonth

main bhi maa-maa-maa kehkar ise bhigauna chahta tha.

- romil

is ghar mein koi bhi apna nahi lagta

is ghar mein koi bhi apna nahi lagta

tum saath nahi ho maa to kuch accha nahi lagta

teri tasveeron se lipat jaun jee chahta hai

par inko apne aansoo se bhigauna accha nahi lagta

sukr hai mazakiye ka hunar saath hai apne

warna darr ke palang ke kone mein dubak kar sona accha nahi lagta

aur

usse milta hoon,

bichadta hoon

fir milta hoon

fir bichadta hoon

khuda tera insaano ko khilauno ki tarah khelana

mujhe accha nahi lagta!

- romil

jab bhi koi dard milta hai

jab bhi koi dard milta hai
juban se bas tera hi naam nikalta hai


khul ke rone ko jee chahta hai
par safar sirf ek-do aansoo par hi aakar thamta hai


tere andaz-e-tabassum aur aawaz-e-tarannum ka jadu
ab aise hadson se darr lagta hai


aur


jab bhi do aansoo nikal kar aate hai aankhon se
juban se bas maa ka naam nikalta hai.


- romil 

baadal garaje, bijli chamke, tadap-tadap ke reh jaye

baadal garaje, bijli chamke, tadap-tadap ke reh jaye

neer bahaye aakhiyaan, yeh dooriyan na seh paye

mohabbat ka mehal bana kar tune hi ise tod diya

teri is nadani par kabhi hum muskaaye, kabhi hum gussaye

jab - jab sawan mulaqaton ki boondein barsaye

hum ghar mein baithe armano ko jalaye

aur

maa ke bina yeh mann kahi na lage

kaise hum isko samjhaye,

kaise hum khawab sajaye.

- romil

woh aayega jarur aayega

woh aayega jarur aayega

be-naqaab aayega

mohabbat ka zamana fir aayega

viran-e-ghar fir roshan ho jayega

woh gulab ki tarah khilkhilata aayega

maine khud aaj kal usse baat karni band kar di hai

socha na tha aisa bhi ek din aayega

aur

maa ko khud apne haaton se di hai agni

isse bada jeevan mein kya dukh aayega

- romil